ஹைப்பர்ஹைட்ரோசிஸின் விளைவுகள்

அதிக வியர்வை ஏற்படுவதால் ஏற்படும் பாதிப்புகள் என்ன?

‘ஹைப்பர்ஹைட்ரோசிஸ்’ பல வகைகளாக இருக்கலாம். ஆனால் பொதுவாக, இதைப் குறிப்புட்ட ஓர் இடத்தில் மற்றும் பொதுவாக ஏற்படும் ஹைப்பர்ஹைட்ரோசிஸ் என வகைப்படுத்தலாம். குறிப்புட்ட ஓர் இடத்தில் ஏற்படும் ஹைப்பர்ஹைட்ரோசிஸ்ஸானது உள்ளங்கை, அக்குள் அல்லது பாதங்களுக்கு மேல் புற ஹைப்பர்ஹைட்ரோசிஸ் ஆக இருக்கலாம்.

அதிகப்படியான வியர்வையின் முக்கிய நீண்டகால விளைவுகள் உளவியல் ரீதியானவை. இதில் சங்கடம், பதற்றம், மன உளைச்சல் ஆகியவை அடங்கும். இது அன்றாட வாழ்வில் பெரும் மாற்றத்தை ஏற்படுத்தும். மற்றும் சரிசெய்தல் சிக்கல்கள் மற்றும் மனச்சோர்வு போன்ற உணர்வுகளுக்கு வழிவகுக்கும். ஹைப்பர்ஹைட்ரோசிஸை நிர்வகிக்க தேவையான பெரிய அளவில் நிலைமைக்கேற்ப மாறவேண்டயதன் காரணமாக வாழ்க்கைத் தரம் குறையக்கூடும். ஹைப்பர்ஹைட்ரோசிஸ், மன அழுத்தத்தின் காரணமாக மோசமடைகிறது. எனவே மன அழுத்தத்தின் போது, பல தடவை அதிகப்படியான வியர்வை ஏற்படுவது பொதுவானது. இருப்பினும், ஹைப்பர்ஹைட்ரோசிஸின் ஒவ்வொருவரின் போக்கும் வேறுபட்டது.

சில மருத்துவ நிலைகளில் அதிகப்படியான வியர்வை அதிகரிக்கிறது. உதாரணமாக, அதிகரித்த வியர்வை மற்றும் தோல் எரிச்சல் காரணமாக, நோயாளிகள் தோலில் நோய்த்தொற்றுகள் ஏற்படுவதற்கு அதிக வாய்ப்புள்ளது. அரிக்கும் தோலழற்சி போன்ற தடிப்புகளையும் அவர்களுக்கு உருவாகலாம்.

நமக்கு ஏன் வியர்க்கிறது?

வியர்வை என்பது வெப்பநிலை மிகவும் சூடாக இருக்கும்போது நம் உடல் தன்னைத் தானே குளிர்விக்கும் ஒரு வழியாகும். வியர்வை ஆவியாகும்போது வெப்பத்தை இழக்க நேரிடும் என்பதால் இது நம் உடலுக்கு ஒரு பாதுகாப்பு பொறிமுறையாகும்.

நாம் வெப்பமான சூழலில் இருக்கும்போது, உடற்பயிற்சி செய்யும் போது அல்லது காய்ச்சல் இருக்கும்போது வியர்வை ஏற்படலாம். மன அழுத்தம் மற்றும் பதற்றம் போன்ற உளவியல் காரணங்களுக்காகவும் வியர்வை ஏற்படலாம். நமது உடல் வெப்பநிலையில் ஏற்படும் மாற்றத்தையும், உணர்வுகளில் ஏற்படும் மாற்றத்தையும் நமது மூளையால் உணர முடிகிறது; கண்டறியப்பட்டவுடன், நரம்பு சமிக்ஞைகள் மூளையில் இருந்து, உடல் முழுவதும் உள்ள வியர்வை சுரப்பிகளுக்கு அனுப்பப்படுகின்றன. பின்னர் அவை வியர்வை சுரப்பிகளை செயல்படுத்தி வியர்வையை உற்பத்தி செய்யச் சொல்லும். ஹைப்பர்ஹைட்ரோசிஸில், சில வியர்வை சுரப்பிகள் மிகையாக செயல்படுவதாகவும், கூடுதல் நேரம் வேலை செய்வதாகவும் தோன்றலாம். இது இயல்பை விட அதிக வியர்வையை அதிகப்படியான அளவுகளில் உருவாக்குகிறது.

ஹைப்பர்ஹைட்ரோசிஸ் வகைகள்

முதன்மை மற்றும் இரண்டாம் நிலை ஹைப்பர்ஹைட்ரோசிஸ்

முதன்மை ஹைப்பர்ஹைட்ரோசிஸ் என்பது சரியான காரணம் அறியப்படாத ஒரு கோளாறு ஆகும். இது ஹைப்பர்ஹைட்ரோசிஸின் துணைத் தொகுப்பு மற்றும் ஹைப்பர்ஹைட்ரோசிஸின் பொதுவான அறிகுறிகளை இது ஏற்படுத்தும். இதில் உள்ளங்கைகள், உள்ளங்கால்கள், உள்தொடை, அக்குள் மற்றும் நம் உடலில் தோல் தன்னைத்தானே மடித்துக் கொள்ளும் பகுதிகளான முழங்கைகள் மற்றும் மார்பகங்களின் கீழ் பகுதிகளில் அதிகப்படியான வியர்வை ஏற்படும். இருப்பினும், முதன்மை ஹைப்பர்ஹைட்ரோசிஸ் வளர்ச்சிக்கு பல ஆபத்து காரணிகள் உள்ளன. இதில் மன அழுத்தம் (குறிப்பாக கவலை), வெப்பம் மற்றும் முதுகெலும்புக் காயங்கள் ஆகியவை அடங்கும்.

முதன்மை ஹைப்பர்ஹைட்ரோசிஸ் போலல்லாமல், இரண்டாம் நிலை ஹைப்பர்ஹைட்ரோசிஸுக்கு வழிவகுத்த காரணத்தைக் கண்டறிந்து விடலாம். தன்னியக்க நரம்பு செயலிழப்பு, நோய்த்தொற்றுகள், புற்றுநோய்கள், மாதவிடாய் நிறுத்தம், இன்சுலின் மற்றும் ‘ஆண்டிடிரஸண்ட்ஸ்’ (எ.கா. புப்ரோபியன்) போன்ற சில மருந்துகள் மற்றும் நீரிழிவு நோய் மற்றும் ‘ஹைப்பர் தைராய்டிசம்’ போன்ற பிற நோய்கள் இதில் அடங்கும்.